Janë zbardhur detaje të reja në lidhje me vrasjen e ndodhur ditën e sotme në Dobraç të Shkodrës.
Në atentat mbeti i vrarë Hamza Lici, ndërsa u plagos rëndë Arlind Bushati. Po ashtu, për shkak të atentatit humbi jetën dhe Flutura Basha e cila po udhëtonte rastësisht me motor në vendin e atentatit së bashku me bashkëshortin e saj Bashkim Basha. Ky i fundit ndodhet në spital i plagosur.
Motori i çiftit të bashkëshortëve u përplas nga makina gjatë atentatit me të cilën udhëtonte Lici dhe Bushati.
Ndërkohë, Policia ka kontrolluar automjetin me të cilin udhëtonte Lici dhe Bushati dhe kanë gjetur armë zjarri.
Deri më tani ende nuk kanë mundur të identifikojnë autorët e ngjarjes së rëndë./Opinion.al
