Ilmir Hajdari 42 vjeç mbeti i plagosur mbrëmë në një atentat që iu bë Shkodër teksa ishte në kafe në lagjen “Perash”, sheshi “Isa Boletini”. Ai njihet si një nga njerëzit e fortë në Shkdoër që ndryshe e thërrasin “Mir Vetlla”.
Nga hetimet paraprake bëhet me dije se autorët e krimit kanë qenë në makinë kur kanë qëlluar drejt Hajdarit, i cili rezulton person me precedentë penalë.
Ndaj ti u shkrehën 8 plumba dhe për shkak të plagëve u transportua mbrëmjen e djeshme në Spitalin e Traumës në Tiranë.
Dyshohet se atentati mund të ketë ndodhur për shkak të ngjarjeve të mëparshme ku mund të jetë përfshirë Hajdari.
Po ashtu mësohet se “Mir Vetlla” është akuzuar për atentatin dhe vrasjen me armë zjarri të Indrit Bajrit më 21 tetor të vitit 2001, krim për të cilin u dënua me 16 vite burg.
Ai u arrestua në vitin 2009, por pas pesë vitesh në qeli u la i lirë, pas dëshmive dhe provave që solli në gjykatë se nuk ishte ai autori i krimit.
Pas lirimit të tij mes familjeve Hajdari dhe Bajri u mbyll konflikti, por gjithsesi pista e hakmarrjes nuk përjashtohet, ashtu sikundër ndonjë konflikt i kohëve të fundit i 42-vjeçarit. /Opinion.al
