Tre personat e plagosur mesditën e sotme në qytetin e Shkodrës janë qëlluar me një armë zjarri pistoletë.
Lajmi është konfirmuar nga Policia e Shkodrës, ku pas verifikimit dhe kqyrjes së vendit të ngjarjes, ka konfirmuar gjetjen e një pistolete dhe sipas dyshimeve të para mendohet se me të është qëlluar 6-8 herë, pasi në vend janë gjetur edhe gëzhojat.
Tre personat e plagosur janë identifikuar si shtetasit, Doni Lisi, Enrik Prenushi dhe Eleona Çurku.
Burime nga policia theksuan se shtetasi Enrik Prenushi ka mbetur i plagosur aksidentalisht, pasi objektiv i atentatit ka qenë Lisi dhe vajza me të cilën ishte i shoqëruar.
Mësohet se Doni Lisi është në gjendje të rëndë shëndetësore, pasi ka marrë plumba në gjoks.
