Duket se Klisman Preçi dhe Ylli Brahimi i ruheshin një atentati, kjo nga fakti se ata lëviznin me një makinë të blinduar. Ndërkohë sipas Shqiptarja.com makina “Toyota Land Crusiser” me të cilën po lëviznin dy miqtë është parë në varrimin e Brilant Martinaj.
Ky i fundit u vra në një atentat rreth një javë më parë në mbikalimin e Fushë-Krujës, bashkë me Besmir Hoxhën e Diklen Vatën.
Brahimi dhe Preçi u qëlluan me breshëri kallashnikovi shumë pranë pallatit të tyre. Autorët qëndruan për rreth 10 minuta në rrugën përballë rrugicës ku ndodheshin banesat e tyre, dhe pritën derisa dy miqtë të dilnin nga makina.
Si pasojë i riu Klisman Preçi nuk mundi t’u mbijetojë plagëve të marra dhe humbi jetën.
