Një ditë pas plagosjes në Lezhë, policia identifikon autorët. Ngjarja ndodhi pasditen e djeshme (e martë) rreth-rrotullimi i Ishull Shëngjinit, ku pas një konflikti për motive të dobëta, vëllezërit Vlash dhe Vlad Seferaj janë përfshirë në një incident me armë me Marjan Nikollin.
Për pasojë kanë mbetur të plagosur Marjan Nikolli dhe shtetasi me iniciale T.K.( shok i Marjanit), të cilët janë shtruar në Spitalin e Traumës, Tiranë.
Policia thotë se Marjan Nikolli, 41 vjeç, banues në Tiranë akuzohet për “Vrasje me dashje” mbetur në tentativë dhe armë pa leje. Briken Kovaçi, 25 vjeç, banues në Lezhë, për veprën penale ” Moskallëzim krimi” dhe “Përkrahje e autorit të krimit”, pasi ky shtetas ka larguar me mjetin e tij nga vendngjarja , shtetasin Marjan Nikolli pas ngjarjes.
Gjithashtu u shpallen në kërkim dhe po punohet për kapjen e:
Vlash Seferaj, 31 vjeç , banues në Tiranë për vepren penale “Vrasje në rrethana të tjera cilësuese” mbetur në tentativë dhe “Prodhim dhe mbajtje pa leje e armëve luftarake dhe municionit” parashikuar nga nenet 79 dhe 278 /5 të Kodit Penal.
Vlad Seferaj, 27 vjeç, banues në Tiranë , për veprën penale “Vrasje në rrethana të tjera cilësuese ” mbetur në tentative dhe ” Prodhim dhe mbajtje pa leje e armëve luftarake e municionit” parashikuar nga nenet 79 dhe 278/5 të Kodit Penal.
Nga kqyrja e vendit të ngjarjes, u gjetën dhe u sekuestruan në cilësinë e provave materiale 8 gëzhoja model 54 3 fishekë model 54 të pa qitura, 7 gëzhoja 9mm pistoletë , automjeti tip “Benz” në përdorim të Briken Kovaçit
Materialet procedurale u referuan Prokurorisë së Rrethit Gjyqësor Lezhë për veprime të mëtejshme.
