Një atentat i tipit mafioz ka ndodhur në qytetin e Fierit. Nelgert Pata është qëlluar disa herë, ndërsa plumbat i kanë marrë jetën brenda automjetit të tij, tip “Volkswagen” me targë AA 166 IY.
Paraprakisht mësohet se kanë qenë dy persona që kanë qëlluar. Nga hetimet e para dyshohet se vrasja të jetë kryer nga vrasës me pagesë.
Pas ekzekutimit të tij, dy autorët janë larguar me një automjet, i cili është gjetur i djegur në fshatin Zhupan. Brenda automjetit është gjetur dhe arma e krimit. Ende nuk dihen shkaqet e kësaj ngjarje të rëndë
Burime nga policia bëjnë me dije se nga të shtënat ka mbetur i plagosur dhe një person, i cili po merr ndihmë mjekësore në spital.
Si viktima dhe i plagosuri mendohen se janë nga Tepelena. Ata janë qëlluar me breshëri kallashnikovi, ku janë shkrehur 30 plumba. Në muajin gusht Nelgert Pata është palgosur në një lokal në rrugën e Kavajës.
Nelgert Pata, që u bë shenjestër e një atentati pranë rrugës së Kavajës në Tiranë, nuk është një emër i panjohur për drejtësinë. Në vitin 2008 së bashku më babain e tij Astrit Pata janë gjykuar nga organi i akuzës për shfrytëzim prostitucioni.
