Është vrarë sot në atentat Ervin Dalipi, ish-shefi i krimit Ekonomik në Policinë e Tiranës deri në vitin 2013. Dautaj ishte i përjashtuar nga policia dhe i akuzuar për vrasje. Dalipi ishte në arrati dhe mohonte akuzën për vrasjen e Gazmend Çollakut. Atentati ndodhi pikërisht sot kur në Tiranë zhvillohej seanca e radhës gjyqësore në ngarkim të tij dhe të personit tjetër të akuzuar dhe arrestuar Deniz Shtraza.
Atentati ndodhi mesditën e sotme në rrugën e vjetër Tiranë-Durrës, afër Sukthit. Bashkë me Dalipin u vra dhe Xhino Dautaj. Ata udhëtonin në një makinë Audi kur u qëlluan me breshëri plumbash. Ende nuk dihet lidhja mes tyre.
Të dy personat janë ekzekutuar tek Mbikalimi i Sukthit rreth orës 13:30 minuta teksa udhëtonin në automjetin tip Audi S8, ndërsa atentatorët dyshohet se kanë qenë dy dhe i kanë ndjekur lëvizjet e Dalipjat e Dautajt deri në momentin e atentatit mafioz, thanë burimet e policisë.
Pista kryesore e hetimit është ajo e ekzekutimit për hakmarrje ndërsa ngjarja dyshohet se lidhet me krimet në qytetin e Durrësit e përkatësisht me rrëmbimin dhe ekzekutimin e Gazmend Çollakut një vit më parë.
Autorët dyshohen se kanë përdorur për kryerjen e krimit dy armë, një automatik një pistoletë dhe dy mjete përfshirë një motor dhe një makinë me të cilën janë larguar në brendësi të Sukthit.
