Gazetari Artan Hoxha duke folur për vrasjen e ish-shefi i Krimit Ekonomik në Tiranë, Ervin Dalipaj dhe Juxhin Dauti tha se në ngjarje dyshohet se janë të përfshirë zyrtarë të lartë të policisë.
Sipas tij nën hetim është edhe një oficer i lartë, që merret me sektorin e ngjarjeve të rënda, i cili prej disa ditësh nuk është paraqitur në detyrë.
Po kështu gjatë emisionit ‘Kjo javë’ në ‘News24’, Hoxha pohoi se një prej makinave që përdorën vrasësit për ekzekutimin e Dalipajt dhe Dautit ishte përdorur vite më parë nga një zyrtar i lartë i Policisë së Shtetit. “Një prej mjeteve të autorëve “Audi A3’ disa vite më parë është përdorur nga një drejtues i lartë i policisë”, tha Hoxha.
Ai theksoi më tej se: “Makina që përdorën viktimat ishte shumë e shpejtë dhe vështirë ta neutralizoje me një mjet të thjeshtë. Kamerat e sigurisë nuk janë kontrolluar ende të gjitha, se duhen ndjekur lëvizjet minutë pas minute.
