Autoritet ende nuk kanë rënë në gjurmët e autorëve të atentatit të djeshëm në zonën e Don Boskos në Tiranë, ku mbetën të plagosur teksa konsumonin kafe në një lokal Kastriot Elezi 45 vjeç dhe Ronaldo Metushi 22 vjeç.
Sipas informacioneve, gjendja shëndetësore e dy të plagosurve është përmirësuar. Nga këqyrja e pamjeve filmike, dy personat kanë qenë të ulur në verandën e jashtme ku po konsumonin kafe. Dhe në këto moment është hapur zjarr ndaj tyre, duke qëlluar 6 plumba.
Ndërkohë 15 dëshmitarë janë pyetur lidhur për këtë ngjarje.
Dëshmia e Renaldo Metushit: Jam i papune dhe siç bëj zakonisht pija kafe poshtë banesë së Kastriotit tek lokali ku edhe ndodhi ngjarja. Ata të lokalit unë i njoh të gjithë pasi kam punuar para ca kohesh si kamarier aty. Për sa u përket autorëve nuk munda ti shoh pasi makina ishte me shpejtësi dhe gjithçka ndodhi për shumë pak sekonda. Kam ndjerë një dhimbje në pjesën e këmbës dhe kuptova qe jam plagosur me plumb. Unë nuk kam konflikte s’di kush kund ta ketë bërë.
Po ashtu Elezi ka thënë se po gjithashtu është i papunë dhe thuajse çdo ditë konsumonin kafe në këtë lokal.
Ndërkohë para grupit hetimor Metushi ka thënë se nuk kishte konflikte, por grupi hetimor ka dyshime se shënjestër ishte Kastriot Elezi.
Pistat e policisë janë shtrirë edhe në trafikun e lëndëve narkotike dhe po punohet për hetimin e konflikteve dhe të kaluarën e dy personave të plagosur.
