Të tjera detaje vijojnë të dalin në dritë në lidhje me atentatin që trondit mbrëmjen e djeshme kryeqytetin, ku në një lokal në zonën e “Don Boskos”, u vra një grua dhe u plagosën 5 të tjerë.
Sipas burimeve të Klan News, në momentin e atentatit në lokal ka qenë edhe vëllai i Fatjon Muratit dhe xhaxhai i tij, ky i fundit mbeti i plagosur nga ngjarja. Por jo vetëm kaq, mësohet se i pranishëm ka qenë edhe djali i xhaxhait te Fatjonit.
Hetuesit dyshojnë se e gjithë ngjarja është shkak i përplasjeve mes bandave kriminale. Ndërkaq, ata janë fokusuar te grupi i Ervis Martinajt dhe hakmarrja e tyre për vrasjen e Brilant Martinajt në Fushë-Krujë.
Kamerat e sigurisë kanë filmuar dy persona që futen brenda mjetit qe dyshohet se janë pikërisht autorët e ngjarjes.
Nga veprimet paraprake dyshohet që dy nga autoret kanë dalë nga makina një ka qëlluar nga brenda në ecje.
