Gjykata ka vendosur ditën e sotme masën e sigurisë arrest me burg për Ergest Kolaverin dhe Enea Cakën, të cilët akuzohen për atentatin me snajper në burgun e Vaqarrit. Ergest Kolaveri ne gjykatë.
Sipas hetimeve, Kolaveri dhe Caka kanë shkuar në burgun e Vaqarrit dhe kanë tentuar të vrasin me snajper të burgosurin Gazmir Daci, i cili është autor i vrasjes dhe plagosjes së dy vëllezërve të Kolaverit.
Mbi Cakën rëndon akuza e moskallëzimit të krimit, ndërsa ndaj Kolaverit rëndon akuza vrasje për gjakmarrje e mbetur në tentativë.
Avokati i Kolaverit ka kundërshtuar akuzat dhe masën e sigurisë duke thënë se klienti i tij nuk ndodhej në skenën e krimit.
Ai madje paraqiti një foto të shkëputur nga një kamerë sigurie të një lokali në Kamëz, për të provuar se Kolaveri gjendej atje dhe jo në Vaqarr. Por provat e avokatit u hodhën poshtë nga gjykata.
