Në Gjykatën për Krimet e Rënda është bërë verifikimi i masës së sigurisë për Ergys Kolaverin dhe Enea Cekën, të akuzuar si autorë të atentatit me snajper në burgun e Vaqarrit, ndaj të burgosurit Gazmir Daci.
Dy të arrestuarit u lanë në burg dy ditë më parë nga Gjykata e Tiranës, e cila më pas i kaloi për kompetencë dosjen Prokurorisë për Krimet e Rënda.
Akuza e gjakmarrjes prej 2013 hetohet nga ky institucion. Sipas hetimeve paraprake të policisë, Nëntorin e vitit të kaluar, Gazmir Daci ka vrarë vëllain e Ergys Kolaverit, Valmirin, gjatë një sherri në zonën e Bathores.
Shkak për këtë vrasje dyshohet të ishte një konflikt i nisur në Francë për trafikut e emigrantëve drejt Britanisë së Madhe.
Tv Klan
