Gjykata e Apelit për Krimet e Rënda ka rrëzuar kërkesën e Redjan Rrajës duke lënë në fuqi masën “arrest me burg”, dhënë nga Krimet e Rënda.
Trupa gjykuese e Apelit që ka shqyrtuar ankimimin e Redjan Rrajës përbëhej nga Saida Dollani, Nure Dreni dhe Albana Boksi.
Nga ana e tij, avokati i Rrajës, Besnik Çerekja ngriti dyshime se syzet e gjetura në mjetin që kreu atentatin, të jenë vendosur aty nga dikush tjetër pasi janë të transportueshme.
Kujtojmë se Rraja është arrestuar si autori i dyshuar i atentatit tek mbikalimi i Shkozetit, ku u qëllua me breshëri plumbash ndaj makinës së prokurorit Arjan Ndoji, i cili udhëtonte me “Rrumin” e Shijakut dhe shoferin e tij, Andi Malokun, që humbi jetën pak ditë pas atentatit./Opinion.al
