Pas atentatit të bërë ditën e sotme ndaj prokurorit Arjan Ndoja në “mbikalimin e Shkozetit” në Durrës, mësohet se forcat e policisë kanë blinduar spitalin e Durrësit në të cilin po merr ndihmën mjekësore prokurori Ndoja dhe Aleksandër Laho (Landi Muharremi). I plagosuri i tretë, Andi Maloku është transportuar për në spitalin e Traumës në Tiranë për ndihmë mjekësore më të specializuar.
Sipas të dhënave, Ndoj dhe Laho janë jashtë rrezikut për jetën, por policia i druhet ndonjë tjetër tentative për eliminim fizik. Kjo ka bërë që policia të ushtrojë kontroll fizik ndaj çdo personi i cili futet në spitalin e Durrësit.
Ndërkohë, mësohet se policia ka nisur edhe shoqërimet e para të personave të cilët mund të kenë lidhje me ngjarjen./ Opinion.al
