Ka dështuar sërish procesi gjyqësor ndaj Redjan Rrajës dhe Arjol Halilajt, të cilët akuzohen si autor të atentatit ndaj prokurorit Arjan Ndoj.
Kujtojmë se ngjarja në fjalë ndodhi më 1 nëntorit të vitit 2019, ku mbeti i vrarë Andi Maloku, dhe u plagosën Aleksandër Laho dhe prokurori i Durrësit, Arjan Ndoj.
Për të paktën 5 seanca dështon hapja e shqyrtimit të dosjes në Gjykatë, ku shpesh shkak është bërë mbrojtja. Teksa këtë herë kishte sërish një seancë dhe po sërish ka dështuar.
Këtë herë Redjan Rraja kishte zgjedhur një tjetër avokat, i cili kërkoi kohë të njihej me dosjen. Seanca e radhës u la në datën 15 qershor, në orën 10:00./Opinion.al
