Rrahman Rraja, deputeti socialist të qarkut të Durrësit, ka reaguar pas arrestimit të Redjan Rrajas si një nga autorët e atentatit të së premtes, ku mbetën të plagosur prokuori Arjan Ndoj, Landi Muharremi dhe Andi Maloku.
Deputeti është shprehur se atentati ndaj prokurorit është një ngjarje e rëndë dhe se drejtësia duhet të bëjë verifikimet e saj dhe ta dënojë maksimalisht. Ai ka shpjeguar dhe lidhjen e tij me Redjan Rrajën.
Rrahman Rraja ka shpjeguar edhe lidhjen e tij me personin e arrestuar për atentatitn; “Gjyshi Redjanit, Mehmeti me babain tim Rexhepi janë vëllezër prej babe, jo prej nëne sepse gjyshi im ka pasur dy gra. Dhe në qoftë se mediat mund ta quajnë nip, kur ai është më shumë sesa brezi i tretë…”
Le të themi një i afërmi juaj?
Po mund të themi i afërm sepse në Nikël jemi 170 persona që kanë një mbiemër, pra Rrahja, ku të gjithë kemi pasur një gjysh që e ka pas emrin Ramazan.
Si e keni mësuar këtë ngjarje?
Nuk di se si të shprehem, por di këtë që kushdo që të jetë por duhet të marrë dënimin me maksimal që parashikon kodi penal.
Nuk kam asnjë llojë dijenije apo njohje sepse Redjani më shumë ka jetuar jashtë se sa në Shqipëri. Dhe me persona të tjera as që kam lidhje dhe as njohje.
Pavarësisht afërsisë ju nuk keni hyrje dalje me familjen?
Unë babain e Redjanit e kam kushëri të dytë, por nga baba, jo nga nëna.
Por Redjani i bie kushëri i tretë, përsëri nga gjyshi, jo nga nëna.
Si e njihni Redjan Rrajen sepse dyshohet që ka qenë i akuzuar për një tjetër ngjarje të rendë?
Unë nuk e di. Nuk kam pas ndonjë dijeni për të. Ai ka pasur një profesion, dentist dhe kaq.
Nuk jeni në dijeni të kaluarës të tij?
Përkundrazi, hiç fare./ Opinion.al
