Deputetja e PD, Ina Zhupa, gjatë fjalës së saj në Kuvend është ndalur tek atentati ndaj kreut të Rithemelimit në Vaun e Dejës, Benard Ndrecës.
Zhupa e cilësoi ngjarjen si një akt terrorist në nisje të fushatës për zgjedhjet vendore të 14 Majit.
Më tej ajo i kërkoi Ministrit të Brendshëm, Bledi Çuçi, që të japë informacion se ku janë hetimet deri më tani.
“Në këtë parlament kemi 8 javë që nuk diskutojmë për çështje të zgjedhësve. Këtë javë kishit justifikim pushimin zyrtar. Shqetësimi juan i parë nuk është çështjen e zgjedhësve, por kohën e opozitës nuk mund ta merrni. Ne kemi të drejtën tonë t’i themi qeverisë se kush është realiteti. Doja të ndalesha edhe tek akti terrorist ndaj kryetarit të PD për Vaun e Dejës, kjo ishte një nisje e fushatës me tritol. Ministri i Brendshëm duhet të na tregojë se deri në çfarë niveli janë hetimet. Demokratët nuk trembën, hiqni dorë nga këto metoda dhe distancohuni sot publikisht nga kjo ngjarje”, tha Zhupa.
