Ramazan Rraja i cili u arrestuar më 19 prill në Fushë-Krujë, për atentatin ndaj ish-prokurorit Arjan Ndoja ka kërkuar lirinë në apel.
Por mësohet se Apeli i GJKKO-së, ka vendosur mospranimin e ankimit të paraqitur Rraja dhe avokati i tij Elton Hyseni.
30-vjeçari akuzohet për sigurim kushtesh për të kryer vrasje dhe armëmbajtje pa leje.
Rraja doli fillimisht në Gjykatën e Posaçme, dy ditë pas arrestimit ku u njoh me masën arrest me burg në mungesë. Gjatë zhvillimit të asaj seance Rraja mohoi që të lidhje me atentatin në fjalë.
SPAK pretendon se Ramazan Rraja, në bashkëpunim me persona të tjerë në qytetin e Durrësit, kanë bashkëpunuar me njëri-tjetrin në atentatin e datës 1 nëntor 2019 në zonën e Sukthit ndaj ish-prokurorit Arjan Ndoj.
Në këtë atentat mbeti i vrarë shoferi i ish-prokurorit Andi Maloku, dhe të plagosur Landi Muharremi “Rrumi i Shijakut” dhe ish-prokurori i Durrësit, Arjan Ndoj.
