Ish-deputeti demokrat, Enkeled Alibeaj ka reaguar në lidhje me dy ngjarjet e rënda që përfshinë dy biznesmenë ditën e djeshme.
Në Himarë u ekzekutua biznesmeni Niko Goro, ndërsa biznesmeni Andon Dhima në Tiranë denoncoi në polici për një tentativë atentati.
Alibeaj i ka cilësuar të dyja ngjarjet si raste tronditëse që sipas tij tregojnë shthurje e qeverisë në muajt e fundit.
Alibeaj thekson se shpejtësia me të cilën do të hetohet denoncimi i biznesmenit Andon Dhima do të jetë një tregues kyç për gatishmërinë e policisë dhe të prokurorisë për të zbuluar të vërtetën.
“Zvarritja e çështjeve të tilla, siç e ka zakon prokuroria dhe policia, do të jetë veçse kronikë e një atentati tjetër të paralajmëruar!”, shkruan ish-deputeti në “Facebook”. /Opinion.al
