Prokurori Arjan Ndoj mbeti i plagosur ditën e sotme gjatë një atentati me armë zjarri në “Mbikalimin e Shkozetit” në Durrës. Së bashku me të mbetën të plagosur dhe dy persona të tjerë të identifikuar si Aleksandër Laho (Landi Muharremi) dhe Andi Maloku.
Ndërkohë, janë publikuar edhe pamjet kur Ndoj dhe dy të plagosurit nxirren nga makina e cila kishte përfunduar jashtë rruge. Kalimtarë të rastit u kanë ardhur në ndihmë të plagosurve, duke i nxjerrë nga makina për t’i transportuar drejt spitalit.
Deri më tani bëhet me dije se prokurori ka marrë dy plumba dhe i është nënshtruar një ndërhyrje kirurgjikale, ndërsa në gjendje të rëndë shëndetësore është Andi Maloku./Opinion.al
