Kronikë

Atentati /Mihasi e Dumani u kontrolluan rastësisht nga policia, autorët i ndiqnin


Bëhu pjesë e Grupit Zyrtar të Opinion.al
>> KËTU <<
               Publikuar në : 12:45 - 14/11/21 |
Opi Nion

Mbrëmjen e djeshme Tirana u trondit nga një atentat mafioz ku mbetën të vrarë në zonë e “Astirit”, Erigers Mihasi, 32 vjeç dhe mikut të tij Armand Dumani, 26 vjeç, të cilët po udhëtonin me një “Audi A7”.

Autorët të cilët udhëtonin me një makinë tip “Toyota” të vjedhur në Greqi e me targa të vjedhura në Tiranë kanë ndjekur për një kohë të gjatë dy të rinjtë.

Pak minuta para se të ekzekutoheshin Mihasi dhe Dumani janë ndaluar për një kontroll rutinë nga Policia në Sheshin “Nënë Tereza” dhe më pas janë lënë të lirë.

Ndërkohë, kamerat e sigurisë rezulton se kanë filmuar ngjarjen në Astir ku është kapur edhe makina e autorëve. Fillimisht makina e autorëve “Toyota” shfaqet teksa ndjek nga pas “Audin” luksoz, tek Pallati me Shigjeta.  Në pak minuta makinat shfaqen në Astir, ku pranë një semafori, fillimisht autorët hapin zjarr nga pas “Audit” ndërsa më pas i dalin anësore në krah duke gjuajtur të gjithë karikatorin e duke lënë të vdekur dy të rinjtë.

Mësohet se Mihasi i cili dyshohet se ishte edhe shënjestra kryesore e atentatit, kishte pak kohë që ishte kthyer nga Gjermania, gjë e cila është ditur nga autorët dhe kanë vë në zbatim planin për vrasjen e tij./Opinion.al

Pas