Gjykata e Shkodrës la në burg tre personat e arrestuar si bashkëpunëtor në atentatin me tritol në 13 Janar të këtij viti, ku tetë persona u plagosën në lagjen Rus.
Ata janë Endri Çopja, Argel Lulaj dhe Serxho Teta, të cilët u kapen në Elbasan gjatë një operacioni të fuqishëm në të cilin morën pjesë prokuroria e policia. Bashkë me këta persona u zbulua dhe makina me të cilën ishte transportuar motori kamikaz nga Elbasani në Shkodër.
Ky zbulim u bë nga kamerat e rrugës ku ndodhi ngjarja. Motori në të cilin ishte vendosur afro 900 gram tritol ishte parkuar pranë makinës se biznesmenit Lulzim Kulla dhe shpërthimi u be me telekomandë. Kulla i cili u dëmtua rënde dyshohet që ishte shënjestra e këtij atentati.
