Ka mbetur i plagosur rëndë djali i një biznesmeni në Vlorë, të cilit iu bë atentat në makinë. Burime nga spitali thanë se Imer (Ines) Hajrulla 25 vjeç ka humbur të dyja këmbët në këtë atentat të frikshëm të qytetin e tij. I riu ka ndryshuar identitet nga Imer Hajrulla, e ka kthyer emrin në Ines.
Makina tip tip Jeep me targa AA 298 CL ka shpërthyer gjatë lëvizjes në lagjen ”Hajro Çakërri”, tek Bishti i Kalldrëmit.
Në foto: I plagosuri Ines Hajrulla
Sipas dëshmitarëve që kanë parë ngjarjen si dhe nga gjurmët që ka lënë automjet pasi ka shpërthyer ka ecur për inerci rreth 70 m, dhe është ndalur vetëm në momentin që është përplasur me një makinë tjetër.
Gjithashtu referuar njoftimi të policisë i riu është një person me precedent të theksuar kriminal. Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes. Paraprakisht thuhet se në makinën e tij ishte vendosur rreth 300 gr tritol C4. /Opinion.al
*Pamje nga vendi i ngjarjes
