Një makinë është gjetur e djegur në afërsi të Ishmit. Mjeti dyshohet se është përdorur nga autorët e masakrës së ndodhur mbrëmjen e djeshme në një lokal në “Don Bosko”. Bëhet fjalë për një automjet tip BMË.
Grupi hetimor ka shkuar në vendngjarje për të mbledhur provat e mundshme. Brenda mjetit të djegur dyshohet të jenë konstatuar edhe 2 armë zjarri kallashnikov.
Një atentat me armë zjarri ndodhi mbrëmjen e së dielës në zonën e “Don Boskos” në Tiranë.
Një grua u vra, ndërsa 5 persona të tjerë u plagosën si pasojë e të shtënave në lokalin në pronësi të Fajton Muratit, një person me precedentë të mëparshëm penal. Nga të shtënat u plagos xhaxhai i këtij të fundit, Sehat Murati dhe katër të tjerë Astrit Meraj, Emanuel Sala, Ermir Bejuku dhe Genc Shohalli. Po ashtu e lënduar ka mbetur dhe një 10-vjeçare, e cila është mbesa e viktimës./Opinion.al
