Korespondenti i Tv Klan në Elbasan Fatos Salliu ka informuar mbi dinamikën se si ka ndodhur ngjarja e mbrëmjes në Elbasan ku u vranë tre persona dhe u plagosën katër të tjerë.
“Kanë qenë persona të veshur me uniforma policie ata që kanë qëlluar në drejtim të lokalit që ndodhet në Unazën Jugore të Elbasanit. Në lokal në atë moment kishte rreth 11 persona por objektivi kanë qenë vëllezërit Çapja. Në pjesën e përparme të lokalit ka pellgje gjaku, si pasoje e katrahurës së ndodhur. Janë vendosur postblloqe në zonën e Tiranës, Çërrikut, Gramshit dhe Peqinit.10 minuta më parë janë nisur drejt Tiranës helikopterë të cilët kanë transportuar të plagosurit.
Hetimet paraprake janë përqëndruar në konfliktin që familja Çapja ka pasur pas një atentati ku mbeti i vrarë në vitin 2005, biznesmeni Sokol Çapja. Fill pas kësaj ngjarje ka pasur edhe disa ngjarje të tjera të rënda. Asnjëherë nuk është vërtetuar që familja Capja ka pasur lidhje me këto atentate. Konfirmohet nga policia që zyrtarisht janë tre të plagosur, ndërkohë që një i katërt është në gjendje të rëndë. Ndërsa gjendja e të plagosurve është e rëndë.”
