Një prej personave të plagosur pasditen e sotme në Shëngjin është plagosur edhe më 25 qershor. Bëhet fjalë për Florian Dushkun, i cili u godit me qytën e pistoletës ditën e zgjedhjeve nga nipi i Arben Ndokës. Dushku, njihet si simpatizant i LSI-së dhe përplasja asokohe ka ndodhur ne qendren e votimit te Shëngjinit.
Lidhur me atentatin e sotëm, mësohet se dy të rinjtë Samet Bercaj 19 vjeç dhe Florian Dushku 28 vjeç janë qëlluar me armë zjarri në gjymtyret e poshtme teksa shëtisnin në trotuarin e qytetit bregdetar. Policia tha se autorët e krimit udhëtonin me një makinë dhe pasi kanë qëlluar disa here me pistolete janë larguar.
Të plagosurit janë dërguar në spitalin e Lezhës ku edhe ndodhen jashtë rrezikut për jetën, ndërsa policia ka ngritur postoblloqe në kërkim të autoreve ndërsa në ndihmë të policisë së Lezhës erdhen edhe 2 furgonë me trupa te FNSH. Ende nuk dihet nëse ngjarja e sotme ka lidhje me ngjarjen e zgjedhjeve apo jane konflikte te tjera qe mund te kene patur Dushku dhe i plagosuri tjeter Bercaj.
*Pamje nga vendi i ngjarjes
