Tre persona të kërkuar nga policia për të dhënë shpjegime për ngjarjen në Elbasan rezultojnë se janë larguar nga Shqipëria. Burime hetimore bëjnë me dije se ata nuk janë gjendur në banesat përkatëse dhe të afërmit kanë deklaruar se janë larguar për në Itali ose Greqi.
Ky fakt e ka bërë grupin hetimor të hedhë dyshimet e para. Por emrat e tyre nuk bëhen publik për shkak të hetimeve.
Në të njëjtën kohë burime nga organet kompetente bëjnë me dije se të paktën 42 persona janë vënë nën survejim që nga dita kur ndodhi atentati.
