Atentati i Durrësit/ Drej zbardhjes vrasja e Gaz Çollakut. Policia ka një të ndaluar

Policia e Durrësit është drejt zbardhjes së vrasjes së Gazmend Çollakut, i cili u mor peng për tu gjetur më pas i ekzekutuar në malësinë e Krujës, në fillim të muajit janar. Sipas organit hetimor, thuhet se janë identigikuar disa nga autorët e mundshëm të kësaj ngjarje, por që për arsye hetimi nuk bëhet i ditur identiteti i tyre. Ndërkohë që sot në mëngjes thuhet se ka pasur edhe një ndalim për ngjarjen e ndodhur në 6 janar, ku personi i shoqëruar është marrë në pyetje dhe ku do të vendoset masa e ndalimit. Gazmend Çollaku u rrëmbye në mbrëmjen e 6 janarit nga persona të veshur me uniformë policie, nga të njëjtët të cilët një muaj para ngjarjes kishin grabitur një makinë në zonën e Vorës. Ai u gjet i ekzektuar me katër plumba dhe vrasja e tij erdhi pas një tjetër ekzekutimi mafioz në Durrës ku u vranë dy të rinj.