Redjan Rraja është personi i vetëm i arrestuar në lidhje me atentatin e bërë ndaj prokurorit Arjan Ndoja, miku i tij, Landi Muharremi dhe shoferit të prokurorit Andi Maloku, i cili ndërroi jetë ditën e djeshme.
Për Rrajën, Gjykata për Krimet e Rënda dha dy ditë më parë masën e sigurisë “arrest me burg”. Por, pas këtij vendimi, avokati i Rrajës ka ankimuar masën e sigurisë.
Si pas informacioneve, prova kryesore e prokurorisë kundër tij ishte një shenjë gishti e Rrajës në një palë syze të gjetura në mjetin që dyshohet të jetë përdorur nga autorët, mjet që u braktis në Shkafanë të Ishmit.
Hetimet për Redian Rrajën po zhvillohen për akuzat “vrasjes së funksionarëve publike” dhe “vrasje e dy ose më shumë personave mbetur në tentative” dhe “armëmbajtje pa leje”.
Dyshohet se në atentatin e bërë tek “Mbikalimi i Shkozetit” në Durrës, kanë marrë pjesë tre persona, ndërkohë, deri më tani ende nuk ka të dhëna nëse policia ka arritur të bjerë në gjurmët e dy të tjerëve./ Opinion.al
