Një tjetër ngjarje e rëndë ka tronditur qytetin e Elbasanit. Një 39-vjeçar është vrarë me armë zjarri pasditen e së hënës në vendin e quajtur si “Rrethrrotullimi i luleve”.
Mësohet se viktima është Emiljano Ramazani, 39 vjeç. Sipas policisë, autorët dyshohet se janë larguar me shpejtësi në drejtim të aksit rrugor Bradashesh-Paper, në një ullishte i kanë vënë zjarrin mjetit dhe janë larguar në kodrat përballë Paperit.
Sikurse njofton policia po bëhet rrethimi i zonës nga dyshohet se mund të jenë larguar autorët, si dhe janë ngritur menjëherë pika kontrolli në akset rrugore Elbasan-Rrogozhinë, Elbasan-Tiranë dhe Elbasan-Belsh.
Në ndihmë të Policisë lokale janë nisur FNSH dhe RENEA, si dhe një grup specialistësh të Departamentit të Policisë Kriminale.
