Një 40-vjeçar është ekzekutuar me armë zjarri në lagjen nr.16 të Durrësit. Mësohet se ngjarja ka ndodhur mëngjesin e sotëm rreth orës 08:40, ndërsa rrethanat e krimit janë ende të paqarta.
Viktima është identifikuar Edmond Koçi, i njohur dhe si Mond Çekiçi. Aktualisht forcat e Policisë kanë shkuar në vendngjarje dhe kanë rrethuar zonën, teksa vijon krehja e zonës për kapjen e autorëve.
Ndërkohë, janë ngritur pika kontrolli në të gjitha akset rrugore në hyrje e në dalje të Durrësit si dhe në drejtim të Tiranës e Kavajës.
Grupi hetimor ndodhet në vendngjarje dhe nën drejtimin e Prokurorisë vijon puna për sqarimin dhe zbardhjen e rrethanave të ngjarjes për të bërë të mundur identifikimin kapjen e autorëve./ Opinion.al
