Një atentat me armë zjarri ka ndodhur në mesnatë në në Broshkë në aksin Peqin- Elbasan, ku për pasojë ka mbetur i vrarë një person dhe është plagosur një tjetër. Viktima është Klevi Baho 24-vjeç, ndërsa i plagosur ka mbetur vëllai i tij, Sandër Baho 30-vjeç.
Dy vëllezërit ishin duke udhëtuar në automjetin e tyre tip Audi me targa AA 333UZ kur u qëlluan me breshëri automaiku, mbi 35 herë nga një tjetër makinë , ku mendohet se kanë qenë të paktën dy persona. Dy vëllezërit po iknin për në shtëpi në momentin kur u është zënë pritë dhe u qëlluam me breshëri, pasi autorët dinin të gjitha lëvizjet. Makina është bërë shoshë nga plumbat, ndërkohë që mendohet se shënjestra e atentatit ka qenë vëllai i plagosur.
Klevi Baho që mësohet se sapo kishte dalë nga burgu në Itali humbi jetën në vend nga plumbat. I plagosuri aktualisht ndodhet në kirurgjinë e spitalit Elbasan, policia ka ngritur postblloqe për të kapur autorin. 30- vjeçari pritet që të merret në pyetje për të shkuar në gjurmët e autorit. Ende nuk ka një pistë kryesore mbi hetimet, por nga të dhënat e para duket se kemi të bëjmë me larje hesapesh për prishje pazaresh. /Opinion.al
