Një atentat është kryer në Gjermani ndaj një 25-vjeçari shqiptar. 25-vjeçari është goditur disa herë me armë zjarri mbrëmjen e së shtunës. Policia e alarmuar e gjeti shqiptarin e plagosur rëndë të shtrirë në borë në Hartmannstrasse në orën 2:15 të mëngjesit.
Ai u dërgua në spital dhe u operua. Bëhet me dije se nuk është në rrezik për jetën.
Në orën 2 të mëngjesit, një çerek ore më parë, kishte pasur një sherr në një lokal në Dessauer Strasse aty pranë. Sipas një zëdhënësi të policisë, ende është duke u përcaktuar nëse 25-vjeçari ishte i përfshirë dhe nëse kjo mund të luajë ndonjë rol në të shtënat e mëvonshme.
Autori i ngjarjes nuk është gjendur ende dhe është në kërkim nga policia. Deri më tani askush nuk i është përgjigjur thirrjes publike për dëshmitarë të policisë./Opinion.al
