Atalanta ka fituar Europa League pasi ka mundur Bayer Leverkusen me rezultatin 3-0.
Mbrojtësi i Kombëtares shqiptare Berat Djimshiti ngriti trofeun e kompeticionit të dytë më të rëndësishëm në Evropë për herë të parë në historinë e klubit italian, pas një ndeshjeje perfekte të tij.
Ademola Lookman ishte heroi i bergamaskëve, i cili shënoi 3 golat e ndeshjes. Kjo ishte humbja e parë sezonale për Bayer Leverkusen, që fitoi titullin kampion në Gjermani duke mos humbur asnjë ndeshje, ndërkohë që do të luajë edhe finalen e Kupës së Gjermanisë në ditët e ardhshme.
