Ingrit Gjoni është një nga këngëtaret më të komentuara shqiptare e cila prej vitesh është pjesë e skenës muzikore. E njohur për stilin e saj provokues, Gjoni numëron dhjetëra këngë dhe klipe në repertorin e saj ndërkohë që disa vite më parë u bë nënë për herë të parë.
Ajo dhe partneri i saj u bekuan me Paridin, vogëlushin që i ka rrëmbyer zemrat shumë prej ndjekësve të së ëmës. Edhe pse me Paridin, këngëtarja ndan shumë momente dhe foto, nuk mund të themi të njëjtën gjë për bashkëshortin.
E rezervuar për familjen, këngëtarja ka thyer sot zakonin e saj duke postuar në ‘Instagram’ një foto të rrallë të bashkëshortit. ‘Pidi me babin,’- shkruan Ingrit Gjoni nën foton e dy meshkujve më të rëndësishëm të jetës së saj.
