Vijon të përmirësohet situata e krijuar nga COVID-19 në Maqedoninë e Veriut.
Autoritetet shëndetësore bëjnë me dije se në 24 orët e fundit nuk janë regjistruar viktima, teksa janë shënuar gjashtë raste të reja me koronavirus nga 2,887 testime të kryera.
Gjatë 24 orëve të fundit po ashtu ISHP regjistroi 10 pacientë të shëruar, prej të cilëve 5 janë nga Shkupi, 2 nga Kumanova dhe nga një në Strumicë dhe Kërçovë.
Që nga fillimi i pandemisë në Maqedoninë e Veriut janë regjistruar gjithsej 155,682 pacientë me koronaviurs, ndërsa prej tyre 149,977 janë shëruar dhe 5,484 kanë humbur jetën. Numri i rasteve aktive në vend është 221.
