Lajme të mira vijnë nga Kosova ditën e sotme, ku Ministria e Shëndetësisë ka informuar se në 24 orët e fundit nuk është shënuar asnjë viktimë nga Covid-19.
Nga 1 557 testime të kryera, vetëm 16 shtetas kosovarë kanë rezultuar pozitiv me koronavirus.
Autoritetet shëndetësore kosovare bëjnë me dije se 16 persona janë shëruar, ndërsa 428 persona vijojnë të jenë aktivë me Covid-19.
Prej nga shpërthimi i pandemisë në Kosovë janë regjistruar mbi 160.000 të infektuar, ndërsa e kanë humbur betejën me koronavirusin 2 976 persona.
Për sa i përket fushatës së vaksinimit, 716 855 persona janë vaksinuar plotësisht kundër këtij virusi, ndërsa 836 961 persona kanë marrë vetëm dozën e parë.
Autoritetet shëndetësore kosovare informojnë se deri më 28 tetor në orën 15:00 është vaksinuar plotësisht 39.8 % e popullsisë.
