Autoritetet shëndetësore në Kosovë njoftojnë se janë regjistruar dy raste të reja me koronavirus pas testimit të 1,328 mostrave.
Në 24 orët e fundit Instituti i Shëndetësisë Publike bën me dije se nuk është regjistruar asnjë viktimë nga koronavirusi, ndërsa janë shëruar 14 pacientë.
Kosova, prej konfirmimit të rasteve të para në mars të vitit të kaluar, ka regjistruar në total 107,655 raste pozitive. Prej tyre, 2,252 pacientë kanë vdekur dhe 105,241 janë shëruar. Aktualisht numërohen 162 raste aktive.
Fushata e vaksinimit kundër koronavirusit në Kosovë ka nisur në fund të muajit mars. Deri të hënën, sipas Ministrisë së Shëndetësisë, kanë marrë vaksinën 134,391 persona./Opinion.al
