Vetëm 5 raste kanë rezultuar pozitiv me Covid-19 në Kosovë, në 24 orët e fundit. Sipas Ministrisë së Shëndetësisë së Kosovës, në 24 orët e fundit janë kryer 1 115 testime, nga të cilët vetëm 5 persona rezultuan pozitive me koronavirus.
Ashtu si për disa ditë me radhë, edhe sot, nuk është shënuar asnjë viktimë nga Covid-19. Gjithashtu raportohet se 14 persona janë shëruar, ndërsa 430 të tjerë janë aktivë me koronavirus.
Shërbimi Spitalor Klinik Universitar i Kosovës ka bërë me dije se 67 pacientë, të infektuar me Covid-19, janë të shtruar në klinika dhe spitale, ku 33 prej tyre po trajtohen me oksigjeno-terapi, ndërsa 3 pacientë janë në kujdes intensiv.
Që nga muaji mars i vitit 2020, kur shpërtheu pandemia në Kosovë, e kanë humbur jetën 2 977 persona./Opinion.al
