Jan Prenga kishte një jetë të qetë me familjen e tij në Kamëz. Sipas policisë 49-vjeçari nuk kishte asnjë precedent penal, por vëllezërit e tij janë të përfshirë në trafik të lëndëve narkotike. Vëllai i Jan Prengës, Ndrek Prenga është arrestuar në Angli në gusht të vitit 2017, së bashku me dy shqiptarë të tjerë, pasi janë kapur me një sasi të konsiderueshme kokainë të “klasit A”, siç shkruajnë mediat angleze. Më pas ai u dënua me 8 vite e 6 muaj burg.
Dhe kjo është pista kryesore ku po heton policia, mbi rrëmbimin e tij dhe më pas vrasjen, sipas hetimeve. Prenga ka qenë një objektiv më i lehtë për të arritur nga autorët duke bërë dhe rrëmbimin e tij.
Autorët që kanë kryer rrëmbimin janë kujdesur për të gjithë detajet e ngjarjes, fillimisht ata kanë djegur makinën me të cilin kanë marrë peng 49-vjeçarin. Kjo makinë është fiksuar nga kamerat e sigurisë në momentin e rrëmbimit.
Lidhur me këtë ngjarje janë arrestuar katër persona: Leonard Hajri, Olsi Turja, Elton Hajri dhe Bajram Hajri.
Nga veprimet e thelluara hetimore ka rezultuar se personat, pas rrëmbimit të Jan Prengës, kanë shkuar direkt në resortin në pronësi të Altin Hajrit.
Po nga veprimet hetimore rezulton se personi i rrëmbyer, si pasojë e goditjeve të marra në Kamzë dhe humbjes së gjakut, ka vdekur vdekjen gjatë rrugës për ta transportuar për në resort, aty ku do mbahej peng. Rrëmbyesit janë kujdesur për ta fshehur trupin e Prengës ndërkohë që forcat policore vijojnë kërkimet në zonën e Shijakut, për gjetjen e trupit./ Opinion.al
