Kosova nuk ka regjistruar asnjë person të prekur me COVID -19 gjatë 24 orëve të fundit. Lajmi është bërë i ditur nga Instituti Kombëtar i Shëndetësisë Publike të Kosovës, i cili njofton se shifrta e të prekurve mbetet po aq sa një ditë më parë, 1032 persona. Laboratori i Mikrobiologjisë Molekulare në IKSHPK sot ka testuar 138 mostra, prej të cilave asnjë nuk ka rezultuar pozitive.
Në Kosovë janë shëruar 4 persona në 24 orët e fundit dhe numri i përgjithshëm i të shëruarve ka arritur në 789 raste. Që nga fillimi i pandemisë, Në Kosovë 29 persona humbën jetën pasi u prekën nga COVID. /Opinion.al
