63 persona janë kthyer në aeroportin e Rinasit duke u ndaluar të ikin jashtë pasi nuk e justifikonin qëllimin e udhëtimit të tyre turistik. Policia në bilancin e saj, për dy javët e para të shkurtit, numëron gjithashtu edhe 6 persona, shtetas të huaj që u ndaluan të hyjnë në Shqipëri. Edhe ata sipas, policisë nuk e justifikonin qëllimin e vizitës në Shqipëri. Po kështu, 15 persona janë konstatuar me dokumente false, ndaj ka nisur procedimi penal, ndërsa 2 dy persona të tjerë janë ndaluar për braktisje të fëmijëve të mitur.
Janë kapur 4 persona në kërkim, si dhe janë ndaluar 3 shtetase të cilat ishin shpallur në kërkim për largim nga banesa. Policia bën me dije se edhe në ditët në vijm do vijojë puna me intensitet për të parandaluar, evidentuar dhe ndëshkuar paligjshmërinë.
Përmes aeroportit të Rinasit, në vendin tonë kanë hyrë gjatë dy javëve të para të Shkurtit 32.143 shtetas shqiptarë dhe të huaj, si dhe kanë dalë 28.528 shtetas shqiptarë e të huaj.
/Opinion.al
