Policia ka goditur një tjetër rast të kultivimit të bimëve narkotike në Vaun e Dejës. Si rezultat i kontrolleve, bazuar dhe në inteligjencën informative, janë gjetur dhe asgjësuar nëpërmjet djegies në fshatin Mnelë e Vogël, 583 fidanë të dyshuar cannabis sativa.
Policia ka identifikuar dhe shpallur në kërkim autorin e dyshuar të kultivimit të këtyre fidanëve, qytetarin me iniciale N. Gj., banues në Lezhësi edhe ka proceduar penalisht kryeplakun e fshatit Mnelë e Vogël, për shpërdorim të detyrës.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme./Opinion.al
