Një çift të moshuarish janë gjetur pa shenja jete në banesën e tyre, në fshatin Rrapëz, Lushnjë.
Policia bën me dije se bëhet fjalë për L. K., 90 vjeç dhe Q. K., 81 vjeçe. Dyshohet se të moshuarit kanë ndërruar jetë për shkak të asfiksisë nga gazi.
“Rreth orës 10:40, në fshatin Rrapëz, Lushnjë, janë gjetur në banesën e tyre, pa shenja jete, shtetasit L. K., 90 vjeç dhe Q. K., 81 vjeçe, të cilët dyshohet se kanë ndërruar jetë për shkak të asfiksisë nga gazi”-njofton policia.
Grupi hetimor po punon për zbardhjen e plotë të ngjarjes dhe përcaktimin e shkakut të vdekjes.
