Kryeministri Edi Rama në fillim të mbledhjes së Asamblesë Kombëtare të Partisë Socialiste, foli për gazetarët, duke mos iu përgjigjur asnjë pyetje që lidheshin me intervistën e Ahmetajt.
Ai tha se do të kryhet një analizë dhe riorganizim i kësaj “familjeje politike”.
“Është një mbledhje pune, raportimesh dhe diskutimesh në lidhje me hapat e tjerë në funksion për të riorganizuar Partinë Socialiste”, tha Rama.
Kur u pyet nëse kishte kërcënuar Arben Ahmetajn, Rama zgjodhi të mos i përgjigjet pyetjes por vazhdoi me shpjegimin e tij lidhur me asamblenë.
“Partia Socialiste është në një proces jashtëzakonisht të rëndësishëm dhe jemi të vetëdijshëm për hapjen e Partisë për të gjithë ata që kanë dëshirë të kontribuojnë. Nuk kemi sot asnjë plan për të bërë ndryshime. Jemi sot këtu për të bërë një analizë”./Opinion.al
