Kryetari i Partisë Socialiste për Tiranën, Saimir Tahiri, ka deklaruar sot gjatë fjalës së tij në Asamblenë e PS-së se koalicioni ynë nuk nuk janë partitë, por shqiptarët. Tahiri theksoi se PS fiton edhe e vetme në zgjedhjet e 18 qershorit, duke i pasur të gjithë kundër.
Ai tha se me besimin e qytetarëve ka gjetur forcën për tu ngritur mbi çdo sfidë. Ndërsa, shtoi se PS e nxori policinë nga rrënimi ku ndodhej.
“Miqtë e mi, kthehuni vetëm 4 vjet më parë dhe kujtoni ditët që jetonit në atë kohë, Shqipëria kishte shumë rrënim, por shumë shpresë, shumë padrejtësi, por shumë dëshirë për të ndryshuar”, bëri me dije Tahiri.
“Dalin ca që pushtetin e duan në çadër e ca në tavolinë, i kuptoj të gjithë, por gjëegjëza e shqiptarit është se nuk ka koalicion më të fuqishëm se koalicioni ynë, nuk ka parti aleat më të rëndësishme se shqiptarët, se aleanca jonë më shqiptarët. Ne duam koalicion për shqiptarët dhe jo korridoret e politikës”, theksoi ai.
