Kryetari i PS, Edi Rama mblodhi online Asamblelnë Kombëtare të PS pasditen e sotme. Drejtuesit e qarqeve janë të pranishëm në selinë rozë, ndërsa 200 anëtarë të PS-së janë duke e ndjekur online.
Në fokus të diskutimeve janë çështje organizative të partisë. Rama ka kërkuar një verifikim real të anëtarësisë së socialistëve.
Pasi të jetë kryer regjistrimi i anëtarësisë, do të zhvillohen zgjedhjet brenda PS në 15 mars ose 15 prill. Rama ka kërkuar në Asamble më shumë punë nga anëtarët dhe strukturat e PS, duke u shprehur se ata duhet të angazhohen sikur zgjedhjet parlamentare të mbaheshin pas një muaji.
“Janë konstatuar probleme në përbërjen e organizatave dhe regjistrin e partisë. Ka nevojë për të arritur me balancën gjinore në bashkëdrejtimin e organizatave të Partisë. Duhet një census real i anëtarëve aktivë. Duhet te ndahet veç pjesa jo aktive. Duam minimalisht 4 anëtarë të rinj në çdo organizatë. Dua dokumentim organizatë më organizatë prej çdo drejtuesi politik. Dua raport dhe fotografi. Pas kësaj bëjmë zgjedhje 15 mars-15 prill. Duhet ripërtëritje të çdo qelize të partisë. Barrën kryesore e kanë drejtuesit politikë edhe pse kanë ngarkesë të madhe. Të bëhet edhe një analizë për çdo kryetar njësie organizative. Duhet të na përfaqësojnë totalisht në këtë përpjekje. Strukturat janë aty për hallet e njerëzve. Të ketë një iventar për çdo familje, mësohet të ketë deklaruar ai.
