Detaje të reja janë bërë të ditura lidhur me atë çfarë ka ndodhur në mbledhjen “maratonë” të socialistëve.
Mësohet se kryeministri është shprehur i pakënaqur me rezultatet e PS në 12 qarqet e vendit.
“Pritshmëritë nuk përputhen me të dhënat në terren, nuk është arritur objektivi thuajse në asnjë prej 12 qarqeve për të pasur anëtarësime të reja.”
Gazetarja zbulon dhe një citim të Ramës drejtuar kreut të bashkisë Tiranë Erion Veliaj.
“Nuk ka qenë shumë i kënaqur kryeministri Edi Rama nga të dhënat që kanë ardhur nga Tirana sepse mesa duket priste më shumë. Ka pritur më shumë dhe nga mënyra si është raportuar nga ata që janë të përfshirë në organizimin, qoftë nga drejtuesit politikë të qarqeve, por edhe deputetë të zonave të ndryshme. Ndaj dhe ka lindur një batutë. I është drejtuar atyre, por më së shumti kryetarit të bashkisë së Tiranës duke i thënë se raportimi nuk duhet të jetë si një raportim i OSBE/ODIHR-it”,-tha gazetarja
