Ditën e sotme, Kryetarja e Kuvendit Elisa Spiropali, po merr pjesë në Samitin e Asamblesë Parlamentare të NATO-s, që zhvillohet në Bruksel.
Spiropali vuri theksin në nevojën e sigurisë në rajonin e Ballkanit perëndimor, si dhe i bëri thirrje Iranit që të ndalojë axhendën e tij bërthamore.
“Përshkallëzimi ushtarak mes Iranit dhe Izraelit vetëm e rëndon më shumë një botë të trazuar me rregulla që është nën trysni të madhe. Shqipëria riafrimon të drejtën e Izraelit dhe i bëjmë thirrje Iranit të ndërpresë aktivitetet e tij bërthamore dhe raketave balistike dhe të veprojë në përputhje me detyrimet sipas ligjit ndërkombëtar. Një botë që po del jashtë kontrollit kërkon që ne të jemi shumë vigjilent në të gjitha frontet, përfshirë edhe rajonin tonë. Në Ballkanin Perëndimor ndikimet keqdashëse vazhdojnë përpjekjet për të destabilizuar institucionet demokratike, të nxisni ndasitë dhe të minojnë aspiratat euroatlantike. Shqipëria beson se siguria e Ballkanit është e pandarë nga siguria e BE dhe NATO-s”, u shpreh Spiropali.
