Partia Demokratike do të zhvillojë mitingun përmbyllës në Tiranë më datën 9 maj. Lajmi është bërë i ditur nga Kryetari i Partisë Demokratike, Sali Berisha, i cili njoftoi se në orën 19:00 të datës 9 maj zhvillohet mitingu përmbyllës në kryeqytet.
Ndryshe nga çfarë është bërë traditë që mitingjet elektorale hapëse ose përmbyllëse behën në dy sheshet kryesore, “Skënderbej” ose “Nënë Tereza”, demokratët kanë zgjedhur që ta mbyllin fushatën në “Bulevardin e ri”.
“Të gjithë bashkë për një “Shqipëri Madhështore”. Më 9 maj në ora 19:00 në Bulevardin e Ri, përmbyllim një rrugëtim, nisim një mision”, shkruan Sali Berisha në Facebook.
Nderkohe sot 7 maj, PD – ASHM zhvillojnë takimin përmbyllës të fushatës në ora 17:00 në Korçë dhe në ora 19:30 në Elbasan.
